19.09.2020
Foxi an Hopsi hunn e flotten Nomëtteg zu Biissen verbruecht an hu vill schéi Spillplaze getest. Bei der Spillschoul ass et lassgaangen, weider bei d'Grondschoul, wou d'Kanner sech richteg gutt ameséiert hunn. Dunn ass et weider iwwert de Veloswee gangen, iwwert eng flott Bréck, déi iwwert d'Attert féiert an zeréck erëm an d'Duerf bei de "Frounert", wou et eng schéi Waasserspillplaz gëtt, Teq Ball Dëscher, a vill aner schéi Spillgeräter. Haut stoung och eng Bün do mat flotter Musek an et ass Iessen a Gedrénks ginn. D'Kanner duerften sech eng Klengegkeet aus der grousser Schatztruh huelen.
