25.08.2020
Den Eifelpark zu Gondorf kënnt warscheinlech all Erwuessenen nach aus senger eegener Kannerzäit. De Park huet awer an der Tëschenzäit de Besëtzer gewiesselt. An de leschte Joren ass vill investéiert ginn. De Wëldpark ass awer nach ëmmer onverännert an den Zichelche fiert och nach ëmmer op de Bierg. An déi zwee léif Eifelbire ginn et och nach. De Park huet awer mëttlerweil ausser der Bobbahn och nach vill méi Spiller ze bidden. Eng Wildwasserbahn, Achterbunnen an vill Karusseller sinn dobäi komm. An d'Spillplazen an d'Imbissstänn ass och investéiert ginn. An zu Corona-Zäite gëtt et esouguer e Freefall Tower aus 80 Meter an e risegt Kettekarrussell.
Fir ganz kleng Kanner ass wierklech vill ze erliewen an mëttlerweil och fir déi Erwuessen. Kanner tëschent 8 an 12 allerdéngs kommen dem Fritzi senger Meenung no e wéineg kuerz. Déi eng Spiller sinn da schonn ze langweileg a fir déi aner hunn si d'Gréisst nach net onbedéngt. Trotzdeem hat de Fritzi e flotten Dag. An Déiere fidderen an d'Wellerutschen ass souwisou ëmmer den Highlight.
